ដោយ៖ ស៊ុន ណារិន | ថ្ងៃព្រហស្បតិ៍ ទី10 ខែមេសា ឆ្នាំ2014,
ប្រធានគណបក្សសង្រ្គោះជាតិ លោក សម រង្ស៊ី ថ្លែងទៅកាន់អ្នកសារព័ត៌មាននៅរសៀលថ្ងៃព្រហស្បតិ៍នេះ (រូបថតដោយតាត ឧត្តម)
ប្រធានគណបក្សសង្គ្រោះជាតិ លោក សម រង្ស៊ី នៅថ្ងៃព្រហស្បតិ៍នេះ បញ្ជាក់ថា លោកបើកទូលាយចំពោះការប ញ្ចេញខ្សែអាត់នៃការសន្ទនារយៈពេល៤៤នាទី ជាមួយលោកនាយករដ្ឋមន្ត្រី ហ៊ុន សែន កាលពីថ្ងៃពុធ។
លោក សម រង្ស៊ី ឆ្លើយតបបែបនេះទៅនឹងការព្រមានរបស់នាយករដ្ឋមន្ត្រី ដែលលើកឡើងថា ប្រសិនបើគណបក្សសង្គ្រោះជាតិ ចេញសេចក្តីថ្លែងការណ៍អ្វីខុសពីការសន្ទនា លោក នឹងបញ្ចេញខ្សែអាត់សំឡេងនៃការសន្ទនា។ ក្នុងពិធីចែកសញ្ញាបត្រដល់ដល់និស្សិតនៅវិទ្យាស្ថានអប់រំនៅព្រឹកថ្ងៃព្រហស្បតិ៍នះ លោក ហ៊ុន សែន បានចាក់ផ្សាយការចាប់ផ្តើមនែការសន្ទនាបន្តិចរវាងលោក និងលោក សម រង្ស៊ី ជាភ័ស្តុតាង ដែលលោកបានថតទុក។
លោក សម រង្ស៊ី បញ្ជាក់ថា លោកស្វាគមន៍ និងជំរុញឲ្យមានការបញ្ចេញខ្សែអាត់នោះ។លោកបន្តថា លោកនៅតែជាដៃគូស្លាប់រស់ជាមួយលោក កឹម សុខា ហើយរាល់ការសម្រេចលើអ្វីមួយ ត្រូវមានហត្ថលេខាលោក កឹម សុខា អនុ ប្រធានគណបក្ស ដោយសារគណបក្សមានលទ្ធិប្រជាធិបតេយ្យផ្ទៃក្នុង។
នៅព្រឹកថ្ងៃព្រហស្បតិ៍នេះ លោក ហ៊ុន សែន ឲ្យដឹងថា លោក បាននិយាយត្រូវគ្នាជាមួយលោក សម រង្ស៊ី ត្រង់ចំណុចថា ការបោះឆ្នោតឃុំសង្កាត់ត្រូវធ្វើឡើងនៅខែកុម្ភៈ ឆ្នាំ២០១៧ និងជ្រើសតាំងតំណាងរាស្រ្តនៅខែកុម្ភៈដដែលឆ្នាំ២០១៨។ លោកបញ្ជាក់ថា លោក សម រង្ស៊ី បានស្នើសុំពេលពិភាក្សាជាមួយអនុប្រធានគណបក្ស លោក កឹម សុខា តែលោកហ៊ុន សែន ស្នើថា លោកជាប្រធានហេតុអ្វីបានជាមិនអាចសម្រេច។ លោកស្នើឲ្យលោក សម រង្ស៊ី ប្រាប់ទៅលោក កឹម សុខា ថា «កុំឲ្យលោក កឹម សុខា រឹងពេក»។លោក ហ៊ុន សែន បញ្ជាក់ដែរថា ប្រសិនបើមិនមានការឯកភាពគ្នា ដែលនាំឲ្យរាំងស្ទះដល់ការចរចា នេះមិនមែនជាកំហុសរបស់លោក និងលោក សម រង្ស៊ី ទេ គឺកំហុសរបស់លោក កឹម សុខា៕
សរសេរមកកាន់ លោក ស៊ុន ណារិន តាមរយៈsun_narin@vodhotnews.com
1 comment:
I scratched my head when I heard Sam Rainsy request to have a full record of his phone talk with Hun Sen released.
Mr. Hun did release his phone talk with Mr. Sam. Have Mr. Hun requested Mr. Sam for his permission?
Did Mr. Sam fail to record his phone talk with Mr. Hun. That's reason he asked Mr. Hun for the record relased? How many times Mr. Sam had previous phone talks with Mr. Hun?
Post a Comment