ប្រធានគណបក្សសង្គ្រោះជាតិ រំពឹងថា យុវជនគណបក្សនេះចំនួន ៣នាក់ ដែលកំពុងជាប់ឃុំនៅពន្ធនាគារព្រៃស អាចនឹងត្រូវដោះលែងនៅថ្ងៃច័ន្ទ ដើមសប្ដាហ៍ក្រោយ។
លោក សម រង្ស៊ី បានថ្លែងបែបនេះនៅខាងមុខពន្ធនាគារព្រៃស នៅក្រោយពេលដែលលោក និងក្រុមអ្នកតំណាងរាស្ត្រគណបក្សសង្គ្រោះជាតិ បានទៅសួរសុខទុក្ខយុវជនដែលជាប់ឃុំទាំង ៣រូបនោះ នៅព្រឹកថ្ងៃទី៩ ខែសីហា។
ចៅក្រមសាលាដំបូងរាជធានីភ្នំពេញ លោក កែវ មុនី សម្រេចចេញដីកាបន្តឃុំខ្លួនបណ្ដោះអាសន្នយុវជនគណបក្សសង្គ្រោះជាតិ ៣នាក់ នៅថ្ងៃទី៧ ខែសីហា ឆ្នាំ២០១៤។ ការសម្រេចនោះ ធ្វើឡើងនៅក្រោយពេលដែល លោក សម រង្ស៊ី ប្រធានគណបក្សសង្គ្រោះជាតិ កាលពីថ្ងៃទី៥ ខែសីហា បានផ្ញើលិខិតជូន លោក ស ខេង ដោយស្នើអោយដោះលែងសកម្មជនគណបក្សសង្គ្រោះជាតិ ចំនួន ៣រូប ដែលអាជ្ញាធរចាប់ខ្លួនពាក់ព័ន្ធនឹងហិង្សា ដែលកើតមានឡើងក្បែរទីលានប្រជាធិបតេយ្យកាលពីថ្ងៃទី១៥ ខែកក្កដា។
យុវជនគណបក្សសង្គ្រោះជាតិ ទាំង ៣រូបនោះរួមមាន លោក ឃិន ជំរឿន ប្រធានចលនាយុវជនគណបក្សសង្គ្រោះជាតិ រាជធានីភ្នំពេញ លោក សាន គីមហេង ប្រធានចលនាយុវជនគណបក្សសង្គ្រោះជាតិ ខណ្ឌទួលគោក និងលោក នាង សុឃុន ហិរញ្ញិកចលនាយុវជនគណបក្សសង្គ្រោះជាតិ ខណ្ឌច្បារអំពៅ។ ក្នុងចំណោមនោះ យុវជន នាង សុឃុន ត្រូវស្គាល់ថា ជាដើមបណ្ដឹងដែលបានប្ដឹងលោកនាយករដ្ឋមន្ត្រី ហ៊ុន សែន ដោយចោទប្រកាន់ថា បានធ្វើអោយបាត់បង់កោះត្រល់ និងតំបន់ដែនទឹកមួយចំនួនទៀតទៅអោយប្រទេសវៀតណាម។
សូមរង់ចាំអាន និងស្ដាប់ព័ត៌មានពិស្ដារ...
No comments:
Post a Comment