ថ្ងៃ ពុធ ទី ១៧ ខែ ធ្នូ ឆ្នាំ ២០១៤ ម៉ោង ០៧:៥៧
ភ្នំពេញ: លោក សម រង្ស៊ី ប្រធានគណបក្សសង្គ្រោះជាតិ បានប្រកាសនៅក្នុងស្និសីទកាសែតកាលពីរសៀលថ្ងៃទី១៦ ខែធ្នូ ថា ហ្វេសប៊ុក (បណ្តាញសង្គម) របស់គាត់ មានអ្នកគាំទ្រចូលចិត្តនិងតាមដានព័ត៌មានមាន ១លាននាក់ គិតត្រឹមយប់ថ្ងៃទី១៤ ខែធ្នូ ឆ្នាំ២០១៤។ ជាមួយនឹងការប្រកាសពីចំនួនអ្នកគាំទ្រហ្វេសប៊ុក លោកសម រង្ស៊ី ក៏បានធ្វើពិធីជប់លៀងអបអរសាទរ ចំពោះការគាំទ្រនេះ ហើយប្រកាសឲ្យប្រជាពលរដ្ឋ ទិញភាគហ៊ុនរបស់ទូរទស្សន៍សង្គ្រោះជាតិ។
លោកសម រង្ស៊ី បានបង្កើតហ្វេសប៊ុក នៅខែមេសា ឆ្នាំ២០១៣ ហើយរហូតមកដល់ត្រឹមថ្ងៃទី១៤ ខែធ្នូ ឆ្នាំ២០១៤ ទទួលបានអ្នកគាំទ្រ ១លាននាក់។
ជាមួយនឹងការប្រកាសពីចំនួនអ្នកគាំទ្រហ្វេសប៊ុក លោកសម រង្ស៊ី ក៏បានប្រកាសឲ្យប្រជាពលរដ្ឋត្រៀមខ្លួនទិញភាគហ៊ុនក្រុមហ៊ុនទូរទស្សន៍របស់គណបក្សសង្គ្រោះជាតិ ដើម្បីមានលុយ សម្រាប់ដំណើរការនៅក្នុងពាក់កណ្តាលឆ្នាំ២០១៥ ខាងមុខនេះ។
លោកបានបន្តថា អ្នកដែលតាមដាន និងគាំទ្រហ្វេសប៊ុករបស់លោកមាន ១លាននាក់ នៃអ្នកដែលតាមដានចង់ដឹង ចូលចិត្ត ព័ត៌មាននៅក្នុងហ្វេសប៊ុកលោក ដោយមួយចំនួនធំចេញមកពីអ្នកគាំទ្រគណបក្សសង្គ្រោះជាតិ ហើយហ្វេសប៊ុកមានសារៈសំខាន់ ជាពិសេសយុវជនចូលចិត្ត ដើម្បីស្វែងរកព័ត៌មាន និងទំនាក់ទំនងគ្នាផ្លាស់ប្តូរព័ត៌មាន និងមានលក្ខណៈសង្គម ដែលមានប្រយោជន៍សម្រាប់សង្គមជាតិ។ គណបក្សសង្គ្រោះជាតិ យល់ពីសារៈសំខាន់និងសារៈប្រយោជន៍ នៃហ្វេសប៊ុក ក្នុងការធ្វើនយោបាយបំផុសបំផុលចំណេះដឹង ការយល់ដឹង និងបំផុសបំផុលទឹកចិត្តប្រជាពលរដ្ឋ ជាពិសេសយុវជនឲ្យចូលរួមក្នុងការវិវត្តន៍ផ្លូវល្អរបស់សង្គម។
ទាក់ទងរដ្ឋាភិបាលគ្រោងបង្កើតច្បាប់គ្រប់គ្រងអ៊ីនធើណេត ត្រូវបានលោកសម រង្ស៊ី បញ្ជាក់នៅក្នុងសន្និសីទកាសែតថា យើងត្រូវប្រុងប្រយ័ត្ន យើងមានឧបករណ៍មួយដ៏ល្អកុំឲ្យគេកំចាត់ ពីព្រោះច្បាស់ជាគេរកឡេះកំចាត់ហើយ ពីព្រោះការប្រើបណ្តាញសង្គមវាមានប្រសិទ្ធភាព តែយើងត្រូវធ្វើជាគំរូ។ ហើយច្បាប់នេះ ឮសូរថាគេកំពុងតែរៀបចំធ្វើ តែយើងត្រូវឲ្យគំរូទៅគេថា យើងអត់មានប៉ះពាល់ដល់សណ្តាប់ធ្នាប់សង្គម អត់ប៉ះពាល់ដល់សីលធម៌សង្គម កេរ្តិ៍ឈ្មោះ បរិហាកេរ្តិ៍ធ្វើឲ្យជ្រួលច្របល់ យើងត្រូវធ្វើឲ្យមានតម្លាភាព។
លោកបានអះអាងថា តំណាងរាស្ត្រគណបក្សសង្គ្រោះជាតិ នឹងទប់ស្កាត់មិនឲ្យមានច្បាប់គ្រប់គ្រងអ៊ីនធើណេត បណ្តាញសង្គម នេះទេ តែបើគ្រាន់តែច្បាប់ធានាឲ្យមានសេរីភាពខាងផ្នែកព័ត៍មាន ជាពិសេសការប្រើប្រាស់បណ្តាញសង្គម មិនមានបញ្ហាអ្វីទេ ប៉ុន្តែមិនឲ្យរិតត្បិត ឲ្យបិទបណ្តាញសង្គមទេ។
ពាក់ព័ន្ធការបង្កើតទូរទស្សន៍គណបក្សសង្គ្រោះជាតិ ត្រូវបានលោកសម រង្ស៊ី លើកឡើងថា ទូរទស្សន៍គណបក្សសង្គ្រោះជាតិ គឺជាឧបករណ៍មួយដើម្បីបណ្តុះបណ្តាលការអប់រំ ផ្សព្វផ្សាយចំណេះដឹង និងអត់មានទៅបំពុលសង្គម ចំពោះការផ្សព្វផ្សាយពាណិជ្ជកម្មគ្រឿងស្រវឹង បារី ...គឺអតើផ្សព្វផ្សាយទេ។ ហើយរៀបចំកម្មវិធីបណ្តុះបណ្តាលចំណេះដឹងគ្រប់វិស័យឲ្យបង្កើនកំរិតវប្បធម៌ ឲ្យប្រជាពលរដ្ឋរស់នៅក្នុងភាពថ្លៃថ្នូ និងមានការងារធ្វើ មានប្រាក់ចំណូលក្នុងសង្គមមួយដែលមានសេរីភាពប្រកបដោយយុត្តិធម៌ គឺប្រជាពលរដ្ឋចេះដឹង ដើម្បីឲ្យលទ្ធិប្រជាធិបតេយ្យរឹងមាំ គឺឲ្យមានការចេះដឹង។
លោកបានបញ្ជាក់ថា “ទូរទស្សន៍គណបក្សសង្គ្រោះជាតិ និងជាឧបករណ៍ដើម្បីផ្សព្វផ្សាយនូវការចេះដឹង ទោះបីជាខាតលុយខាតចុះ ហើយដំបូងអត់ផ្សព្វផ្សាយពាណិជ្ជកម្មដែលនាំមកបញ្ហាសង្គម តែយើងនឹងរកថវិកាមួយដើម្បីរកថវិកា យកកម្មវិធីរីកចំរើនសម្រាប់សង្គមសម្រាប់ចំណេះដឹងយកមកអនុវត្តន៍”។
លោកបន្ថែមថា ទូរទស្សន៍គណបក្សសង្គ្រោះជាតិ អាចដំណើរអាចពាក់កណ្តាលឆ្នាំ២០១៥ ខាងមុខនេះ ដោយសារតែវាមានបញ្ហាបច្ចេកទេស សំភារៈ និងមិនសូវមានលុយ។
ប្រធានគណបក្សសង្គ្រោះជាតិ បានបន្តថា គណបក្សសង្គ្រោះជាតិ កំពុងតែរៀបចំភាគហ៊ុន នៅពេលធ្វើឯកសាររួចរាល់ហើយ នឹងបើកឲ្យប្រជាពលរដ្ឋទិញជាភាគហ៊ុនក្រុមហ៊ុនទូរទស្សន៍ គឺជាទូរទស្សន៍ប្រជារាស្ត្រ និងជាកម្មសិទ្ធិរបស់ប្រជារាស្ត្រ តាមរយៈភាគហ៊ុន ហើយប្រជាពលរដ្ឋអាចទិញភាគហ៊ុនម្នាក់បន្តិចៗ ពីព្រោះទូរទស្សន៍ជារបស់គណបក្ស មិនមែនជារបស់បុគ្គលណាទេ ជាទូរទស្សន៍កម្មសិទ្ធិរួមរបស់ប្រជារាស្ត្រ ហើយកម្មវិធីគឺបំរើប្រជារាស្ត្រមិនមែនបំរើបុគ្គល មិនមែនបំពុលប្រជារាស្ត្រ គឺផ្តល់ប្រយោជន៍ជូនប្រជារាស្ត្រ៕
1 comment:
Begin of Drgunzet's comment.
Ahahaha, is Sam Rainsy stupid or what? He asked the poor Cambodian to spend a thousand dollars to buy one share of his station? Does he know how poor the Cambodians are? That's almost an entire yearly salary for most Cambodians.
Oh pleeeeeease, stop claiming the share of the TV station as an investment. That TV station will never be profitable. No business in the right mind would pay advertisement on the racist and incitement to murder innocent and defenseless civilians.
Both Sam Rainsy and Kem Sokha are very ineffective thus they were both allowed to live to prevent other more competent opposition leaders to take place. They are indirectly helping Mr. Hun Sen by acting stupid.
Mr. Hun Sen can carry on with other works with such inept opponents. lol...
-Drgunzet-
Post a Comment