Facebook Account "Temple Boys Group" threatened to kill Deputy Opposition Leader Kem Sokha [Facebook​​​​ឈ្មោះ​”​​​ក្រុម​ក្មេង​វត្ត​​”​​​ប្រកាស​​​គំរាម​​​សម្លាប់​​លោក​​កឹម ​សុខា​​​​]

អត្ថបទ 12-01-2015   |  ដោយ សៅ វិសាល

នេះគឺជារូរបស់ ឡាយ សុវណ្ណ
Account Facebook មួយ​ដែល​ដាក់ឈ្មោះ «​ក្រុម​ក្មេង​វត្ត​» បាន​សរសេរ​ប្រកាស​គំរាម​សម្លាប់ លោក​កឹម សុខា អនុប្រធាន​គណបក្ស​សង្គ្រោះ​ជាតិ និង​ជា​អនុប្រធាន​ទី​១​រដ្ឋសភា​។​

​គេ​មិន​បានដឹងថា​ម្ចាស់ account Facebook នេះ ជានរ​ណា​នោះ​ទេ តែ​គេ​ដាក់ឈ្មោះ "​ក្រុម​ក្មេង​វត្ត​" បាន​សរសេរ​សារ​បង្ហោះ​នៅ​ពេល​ថ្មីៗ​នេះ ហើយ​ខ្លឹមសារ​នៃ​សារ​ព្រមាន​នោះ មាន​អត្ថន័យ​ថា «​អ្នក​ដែល​ត្រូវ​កំចាត់​ចោល​មុន​ឆ្នាំ​២០១៨ គឺ កឹម សុខា ព្រោះ​អានេះ​ញុះញង់​យុវជន​ខ្មែរ ឱ្យ​បែកបាក់​សាមគ្គី​ជាតិ លាប​ពណ៌​យុវជន​ខ្មែរ ។ អា​មួយ​នេះ ដាច់ខាត​ត្រូវតែ​សម្លាប់ចោល មុន​ឆ្នាំ​២០១៨ កុំ​ឱ្យ​ចង្រៃ​ដល់​ជាតិ​ខ្មែរ​។ វា​នេះហើយ​ជា​អ្នក​ប្រមាថ​សម្លាប់​ក្មេង​វត្ត​»​។ ​មិនតែប៉ុណ្ណោះ ម្ចាស់ account ក៏​មាន​ថតរូប​កាំភ្លើងខ្លី បង់គ្រាប់ និង​ទូរស័ព្ទ ដាក់​ភ្ជាប់​ជាមួយ​ផង​ដែរ ។​ "The person who need to be eliminated before 2018 is Kem Sokha because this contemptible person incited Khmer youths to break up national unity and labeled Cambodian youths. This contemptible person must resolutely be eliminated before 2018 so that he can't bring shame to the nation. This contemptible person was the one who "threatened to kill Temple Boys". The death threats against Kem Sokha were accompanied by the pictures of guns and bullets.

​ទោះបីជា​ខ្លឹមសារ នៃ​សារ​គំរាម​គ្រាន់​តែ​ដាក់​ឈ្មោះ កឹម សុខា មិន​សរសេរ​ពី​តួនាទី មុខងារ​ក៏ដោយ ប៉ុន្តែ​ត្រូវបាន​គេ​សន្និដ្ឋាន​ថា ម្ចាស់ account ច្បាស់​ជា​ចង់​សរសេរ​សំដៅ​លោក កឹម សុខា ដែល​មាន​តួនាទី​ជា អនុប្រធាន​ទី​១ នៃ​រដ្ឋសភា និង​ជា​អនុប្រធាន​គណបក្ស​សង្គ្រោះ​ជាតិ​។​ ​យ៉ាងណាក៏ដោយ នៅ​មិនទាន់​មាន​ប្រតិកម្ម​ពី​គណបក្ស​សង្គ្រោះ​ជាតិ​នៅឡើយ​ទេ​៕ ដោយៈ​សៅ វិសាល​