ជនជាតិជ្វីប ដែលជាអម្បូរដើមរបស់អ៊ីស្រាអែល ជាជាតិសាសន៍ដែលពូកែប្រើគំនិតត្រេះរិះពិចារណា និងអនុវត្តក្នុងជីវិតជាក់ស្ដែង។ អ្វីដែលជនជាតិទូទៅមិនអាចធ្វើកើត ជនជាតិជ្វីប ឬអ៊ីស្រាអែលអាចធ្វើកើត នេះជាការពិត។
ប៉ុន្តែជាអកុសល ជនជាតិជ្វីបត្រូវទទួលរងគ្រោះយ៉ាងដំណំ នៅទ្វីបអឺរ៉ុបជាពិសេស ក្នុងសង្គ្រាមលោកលើកទី២ ដោយសារ «អំពើប្រល័យពូជសាសន៍ -genocide» ដែលប្រព្រឹត្តឡើងដោយក្រុមហ្វាស៊ីសនិយម (fascism) របស់លោកអ៊ីទ្លែ (Hitler)។ ក្រោយសង្គ្រាមលោកលើកទី២ (World War II) រដ្ឋាភិបាលអង់គ្លេសបានដឹកជញ្ជូនជនជាតិជ្វីប ឲ្យវិលមកកាន់ទឹកដីកំណើតរបស់ដូនតាគេវិញ (មាតុភូមិនិវត្តន៍ -repatriation) នៅប្រទេសអ៊ីស្រាអែលសព្វថ្ងៃ។
មូលហេតុដែលអង់គ្លេសដឹកជនជាតិជ្វីបទៅស្រុកកំណើតវិញ ព្រោះគេយល់ថាប្រសិនបើទុកឲ្យជនជាតិជ្វីបដើររសាត់អណ្ដែត និងផ្ញើខ្លួននៅស្រុកគេ ហាក់ដូចជាមិនសម និងប្រឈមនឹងហានិភ័យ ព្រោះគ្រាន់តែត្រូវក្រុមលោកអ៊ីទ្លែសម្លាប់អស់ជាង៦លាននាក់រួចជាស្រេច។ ដូចនេះ អ្នកនៅសេសសល់ គេគួរមានទឹកដីរបស់គេត្រឹមត្រូវ ទោះជាយកទៅដាក់លើវាលខ្សាច់យ៉ាងណាក៏ប្រសើរជាងដើរជ្រកកោនស្រុកគេ។
ពេលដឹកមកដល់ដំបូង ប្រទេសអ៊ីស្រាអែលកាលណោះជាវាលខ្សាច់សុទ្ធសាធគ្មានអ្វីទាំងអស់ រហូតដល់មជ្ឈដ្ឋានអន្តរជាតិគ្រវីក្បាលថាការដឹកជញ្ជូនមនុស្សទៅរស់លើវាលខ្សាច់បែបនេះពិតជាមិនសមទេ។ ប៉ុន្តែទោះជាយ៉ាងណាក្ដី ដោយសារប្រជាពលរដ្ឋជ្វីប (jew) (ឬ អ៊ីស្រាអែល) គេប្រើការគិតពិចារណាដើម្បីរិះរកដំណោះស្រាយសម្រាប់បញ្ហាដែលគេប្រឈមចំពោះមុខ រហូតដល់ប្រទេសគេរីកចម្រើន មកទល់សព្វថ្ងៃ។
ខាងក្រោមនេះជាបទវិភាគរបស់អ្នកជំនាញស្ដីពីកត្តានានា ឬធាតុផ្សំ ដែលនាំឲ្យប្រទេសអ៊ីស្រាអែលមានសក្ដានុពលខ្លាំងខាងវិស័យការពារជាតិ រហូតដល់មានលទ្ធភាពគ្រប់គ្រាន់សម្រាប់ការពារខ្លួនឯងទប់ទល់នឹងបច្ចាមិត្ត ខណៈដែលខ្លួនមានប្រជាពលរដ្ឋត្រឹមតែជាង ៧ លាននាក់ប៉ុណ្ណោះ។ អត្ថបទនេះគ្មានគោលដៅអួតប្រទេសណា បង្អាប់ប្រទេសណាទេ គ្រាន់តែទុកជាការស្វែងយល់។
១-ថ្នាក់ដឹកនាំក៏ដូចជាប្រជាពលរដ្ឋរបស់អ៊ីស្រាអែលដឹងច្បាស់ថាប្រទេសអ៊ីស្រាអែលមានសត្រូវជុំទិស ព័ទ្ធជុំវិញខ្លួន ប្រសិនបើមិនខំប្រឹងឲ្យបានខ្លាំងក្លាទេ មុខតែត្រូវគេជាន់ពន្លិចមិនខាន ព្រោះប្រទេសក្បែរខាងប្រសិនបើគេព្រួតគ្នាវាយតែអ៊ីស្រាអែលមួយ ប្រាកដជាពិបាកទប់ទល់ បើមិនខំពង្រឹងសមត្ថភាពខ្លួនឯងឲ្យបានខ្លាំងក្លាទេ (ប្រជាពលរដ្ឋនៅមជ្ឈិមបូព៌ា មានចំនួនលើសអ៊ីស្រាអែល ៥០ ដង)។ ម៉្យាងទៀត ប្រទេសអ៊ីស្រាអែលមានឯកភាពផ្ទៃក្នុុងជាតិ (national unity) ព្រោះឯកភាពផ្ទៃក្នុុងជាតិនេះជាកត្តាសំខាន់ណាស់ ប្រទេសមួយ តែកាលណាគ្មានឯកភាពផ្ទៃក្នុងជាតិ និងគ្មានមាគានយោបាយត្រឹមត្រូវហើយ មុខតែដើរធាក់ថយលើគ្រប់វិស័យ។
ប្រទេសជិតខាង គេមានធនធានធម្មជាតិ(ប្រេងឆៅ) យ៉ាងច្រើនសន្ធឹកសន្ធាប់ ងាកមកអ៊ីស្រាអែលគ្មានអ្វីសោះ។ ដូចនេះ ថ្នាក់ដឹកនាំអ៊ីស្រាអែលសម្លឹងឃើញផ្លូវមួយអាចដើរទៅបាន គឺអភិវឌ្ឍផ្នែកបច្ចេកវិទ្យាឲ្យបានរីកចម្រើនខ្ពស់ ពោលគឺវ៉ាដាច់ឆ្ងាយពីប្រទេសនានាក្នុងតំបន់។ អ៊ីស្រាអែលចំណាយ ៥% នៃផលិតផលសរុបក្នុងស្រុក (Gross Domesic Product -GDP) ដើម្បីបោះទុនលើផ្នែក «ស្រាវជ្រាវនិងអភិវឌ្ឍ -Researcdh and Development -R&D» ដែលជាអត្រាមួយខ្ពស់ដាច់គេ វ៉ាដាច់ទាំងប្រទេសជប៉ុនទៅទៀត ខាងចំណាយថវិកាជាតិដើម្បីអភិវឌ្ឍបច្ចេកវិទ្យា។
២-ប្រទេសអ៊ីស្រាអែលបង្វែរមុខព្រួញរបស់ខ្លួនទៅលើការផលិតគ្រឿងសាស្ត្រាវុធ និងសម្ភារៈសឹកព្រោះវិស័យការពារជាតិរបស់អ៊ីស្រាអែលខ្លាំងស្រាប់ ពោលគឺខ្លាំងដល់កម្រិតកំពូលតែម្ដងលើផលិតផលយន្តហោះបញ្ជាពីចម្ងាយ (Unmanned aerial vehicle) រថក្រោះ (tank) បរិក្ខារអគ្គិសនីក្នុងវិស័យយោធា អាវុធធុនស្រាល (light arms)។ ដូចនេះ នៅពេលអ៊ីស្រាអែលលក់ផលិតផលទាំងអស់នេះទៅក្រៅស្រុក អ៊ីស្រាអែលអាចទិញចូលនូវទំនិញណាដែលខ្លួនអាចផលិតបានដែរ តែមិនទាន់ល្អផ្ដាច់គេ ដូចនេះអ៊ីស្រាអែលទិញចូលផលិតផលទាំងនោះចូលដូចជាយន្តហោះចម្បាំង កាំភ្លើងធំ និងអាវុធយុទ្ធភណ្ឌដទៃទៀត។
៣-ទាហានអ៊ីស្រាអែល មុននឹងចាត់បញ្ចូលក្នុងជួរកងទ័ពជាតិ សុទ្ធតែបានឆ្លងកាត់វគ្គបណ្ដុះបណ្ដាលយុទ្ធសាស្ត្រយោធាយ៉ាងល្អិតល្អន់បំផុត និងឆ្លងកាត់គណៈកម្មការវាយតម្លៃគុណភាព និងម៉្យាងទៀត ពួកគេត្រូវបានបំពាក់បំប៉នទាំងស្មារតីនិងសម្ភារៈ ឲ្យស្រឡាញ់ជាតិមាតុភូមិរបស់គេ ពោលគឺគេស៊ូស្លាប់ខ្លួន កុំឲ្យតែស្លាប់ជាតិ។ ទាហានអ៊ីស្រាអែលត្រូវបានតម្រូវឲ្យត្រៀមខ្លួនប្រយុទ្ធជាប្រចាំ ព្រោះវិស័យការពារជាតិជាចំណុចស្លាប់រស់របស់អ៊ីស្រាអែល។ កុមារតាំងពីរៀននៅថ្នាក់បឋមសិក្សា ត្រូវថ្នាក់ដឹកនាំគេបណ្ដុះស្មារតីឲ្យស្រឡាញ់ជាតិមាតុភូមិ និងហ៊ានលះបង់។
៤-អ៊ីស្រាអែលប្រើការគិតល្អិតល្អន់ និងឈ្លាសវៃក្នុងការកែច្នៃយុទ្ធសាស្ត្រយោធាថ្មីៗ និងទំនើបជានិច្ច (ទំនើបកម្មលើវិស័យយោធា និងការពារជាតិ) ហើយអ្វីដែលគេប្រឈមនៅចំពោះមុខ គេរិះរកវិធីដោះស្រាយឲ្យទាល់តែចេញ ទោះបីប្រទេសផ្សេងមិនអាចធ្វើកើត ក៏អ៊ីស្រាអែលអាចគិតចេញនិងធ្វើកើត។
៥-ភ្នាក់ងារចារកម្មរបស់អ៊ីស្រាអែលស្ថិតក្នុងចំណោមក្រុមចារកម្មកំពូលក្នុងពិភពលោក ដូចនេះព័ត៌មានផ្សេងៗ រដ្ឋាភិបាលអ៊ីស្រាអែលក្ដាប់បានស្ទើរតែទាំងអស់។ ព័ត៌មានជាកត្តាសំខាន់សម្រាប់ប្រទេសនីមួយៗ ដើម្បីដើរឲ្យទាន់សម័យកាល និងសភាពការណ៍វិវត្ត និងត្រៀមខ្លួនស្រេចបាច់សម្រាប់ដោះស្រាយស្ថានការណ៍ក្នុងគ្រាបន្ទាល់៕
ទិន្នន័យសង្ខេបអំពីវិស័យការពារជាតិអ៊ីស្រអែល
ប្រជាពលរដ្ឋសរុប ជាង ៧,៧ លាននាក់ – ថវិកាជាតិសម្រាប់ចំណាយលើវិស័យការពារជាតិ១៥ ពាន់លានដុល្លារ
កងទ័ពរៀបរយ ជាង១៧ម៉ឺននាក់ – កងទ័ពបម្រុង ជាង៤៤ ម៉ឺននាក់
កម្លាំងទ័ពជើងគោក: រថក្រោះ ៣៨៧០ គ្រឿង – រថពាសដែក ៩៤៣៦ គ្រឿង – កាំភ្លើងធំ ៣៥០ ដើម – ជើងទម្របាញ់កាំជ្រួចហ្វូង ៨៨ គ្រឿង
កម្លាំងទ័ពអាកាស: យន្តហោះសរុប ៦៨០ គ្រឿង – យន្តហោះប្រដេញ ២៤៣ គ្រឿង – យន្តហោះប្រយុទ្ធ ២៤៣ គ្រឿង – យន្តហោះដឹកជញ្ជូន ៩៨ គ្រឿង -ឧទ្ធម្ភាគចក្រប្រយុទ្ធ ៤៨ គ្រឿង
កម្លាំងទ័ពជើងទឹក: នាវាសរុប ១១០ គ្រឿង – នាវាពិឃាត ៣ គ្រឿង– នាវាមុជទឹក ១៤ គ្រឿង (អ៊ីស្រាអែលពង្រឹងខ្លាំងលើកម្លាំងទ័ពជើងអាកាស និងជើងគោក ជាពិសេសជើងអាកាស ដូចនេះ ទ័ពជើងទឹកជាកត្តាបន្ទាប់បន្សំ ព្រោះព្រំដែនហ៊ុំព័ទ្ធដោយដីគោក)
សូមអស់លោកអ្នករង់ចាំតាមដាននៅលើគេហទំព័រ TheBNEWS នូវប្រវត្តិពិស្ដាររបស់ប្រទេសអ៊ីស្រាអែល និងចំណុចខ្លាំងរបស់ប្រទេសនេះលើវិស័យជាច្រើន នៅពេលខាងមុខ)។
ប្រែសម្រួល៖ អន សំអាង
ប្រភព៖ globalfirepower.com , CIA Factbook , countrystudies.com , wikipedia
6 comments:
Israel is the only place where zoning committee involved the whole world to tell Jews where they can and can't build housing for its citizens!!!
If Israel is the occupier of Palestinian land, Israel couldn't possibly become a mighty force in Middle East.
2015 could be the year that Israel will silent the mouths of those who wants to devour her. The Blood Moons!!!
Here is Israel's secret....
"He [meaning the God of Israel] who keepeth Israel neither slumber nor sleeps." God will establish Israel as the head of nations. If the Bible is all just fairy tales, Israel would have not survived the many attempted annihilation of her foes throughout her history. And she is not off the target yet from those who hate her being alive and doing well.
Praise be to the Holy One of Israel!!! Salvation will come from the King of the Jews, Yeshua HaMaschia. Why? because this world is snared by the Prince of Destruction and heading for everlasting destruction. Only King Yeshua will able to rescue them in the End. Not all of them, just some.
Gog
Any society, country, as well as family will be prosper and strong when they invest themselves so much in businesses and good quality educations that can land to discover ways to solve problems both science and art along with a sense of duty to serve and help one another to achieve the same goals.
United States of American
United States of America
After 30 plus years in power of Ah kwaq ruled with iron fist;khmer's leaders sick can not find khmer's doctors to treat them in their own country,they have to fly to threat themselves over sea whether it is in Srok yuon or Srok Siam,Singapore etc..! It's not taking Israel that long to become super power in midle east-military,economy,technology;why can we as Khmers learns from Israel!? Why learns from Hanoi,the nation that stole your land and islands....!
What factors made this country so strong?
American taxpayer's dollars.
Post a Comment