ភរិយាអ្នកទោសបីនាក់នៅភូមិចម្ការកោះ ឃុំបឹងសាលាខាងត្បូង ស្រុកកំពង់ត្រាច ខេត្តកំពត បានចាញ់បោកអតីតមន្ត្រីតុលាការខេត្តកំពត អស់ប្រាក់ជិត ២ម៉ឺនដុល្លារ ជាថ្នូរនឹងការកាត់ក្ដីឲ្យប្ដីរបស់ពួកគាត់ឲ្យរួចទោស តែមិនបានសម្រេច ក៏ប្ដឹងបកទៅមន្ត្រីតុលាការទាំងនោះ ដើម្បីទារប្រាក់មកវិញ។
ភរិយាអ្នកទោសបីនាក់នោះអះអាងថា ពួកគាត់បានលក់គោក្របីដីស្រែចម្ការ ខ្លះខ្ចីប្រាក់ធនាគារ ដើម្បីប្រមូលប្រាក់ក្នុងម្នាក់ៗឲ្យបាន ៦ពាន់ដុល្លារ តាមការកំណត់របស់មន្ត្រីតុលាការ ដោយសង្ឃឹមថា ប្ដីរបស់ពួកគាត់ដែលជាប់ចោទពីបទទោសឧក្រិដ្ឋ នឹងអាចរួចខ្លួន។
អ្នកស្រី អ៊ី សៀវ អាយុ ៤៧ឆ្នាំ នៅភូមិចម្ការកោះ ឃុំបឹងសាលាខាងត្បូង ស្រុកកំពង់ត្រាច ខេត្តកំពត រៀបរាប់ទាំងទឹកភ្នែកថា អ្នកស្រីបានលក់ដីស្រែគោក្របី និងទ្រព្យសម្បត្តិខ្លះ ហើយខ្ចីគេផ្សំទម្រាំប្រមូលប្រាក់បានចំនួន ៦ពាន់ដុល្លារ ប្រគល់ឲ្យមន្ត្រីតុលាការ តែពេលប្រគល់ប្រាក់ហើយ ប្ដីគាត់នៅជាប់គុកដដែល។
សព្វថ្ងៃ គ្រួសារអ្នកស្រីរឹតតែធ្លាក់ដុនដាបខ្លាំងជាងមុន ព្រោះទ្រព្យសម្បត្តិលុយកាក់មានបន្តិចបន្តួចទាំងប៉ុន្មានក៏អស់ ប្ដីក៏ជាប់គុក ចំណែកជីវភាពគ្រួសារមិនត្រឹមតែអត់ឃ្លានទេ តែថែមទាំងជំពាក់បំណុលគេទៀត៖ «ខ្ញុំចាញ់បោកគេអស់ហើយ ខ្ញុំឲ្យគេអស់ ៦ពាន់ (ដុល្លារ) ឥឡូវឈប់ហើយមិនដឹងមានស្អីទៀតទេ កូនខ្ញុំធំៗអស់ហើយ រកលុយការកូនមិនឃើញទេ ជួយខ្ញុំផង»។
ចំណែក អ្នកស្រី ឈុន មុត នៅភូមិជាមួយគ្នា ក៏ជួបរឿងចាញ់បោកមន្ត្រីតុលាការដូចគ្នាដែរ៖ «ខ្ញុំចាញ់បោកគេអស់ហើយ ចាញ់បោកតា ព្រុំ មុន្នី ហើយគាត់យកលុយពួកខ្ញុំអស់ម្នាក់ ៦ពាន់ដុល្លារ។ ឥឡូវអស់ហើយចាញ់បោកគេ ឥឡូវប្ដីក៏នៅជាប់ ខ្ញុំគ្មានអីទីពឹងទេ ឥឡូវគេចោទរឿងឃាតកម្ម គេថារួចបាន ខ្ញុំខំឲ្យលុយគេ លក់ស្រែលក់ក្របី ទ្រព្យរបស់អីលក់អស់ហើយ យកទៅឲ្យគេ ធ្វើបាបពួកខ្ញុំទាល់អស់រលីង សល់បន្តិចបន្តួចគ្រាន់ចិញ្ចឹមកូនហ្នឹង ប្ដីក៏ជាប់ ប្រពន្ធរកអីបាន ជីវិតខ្ញុំធ្វើកន្ត្រកចិញ្ចឹមកូនទិញត្រីហូប»។
បើតាមមន្ត្រីសិទ្ធិមនុស្សលីកាដូ (Licadho) ប្រចាំខេត្តកំពត លោក យឹម ផល្លី ដែលបានចុះទៅដល់ផ្ទះភរិយាអ្នកទោសទាំងបីនាក់នៅពេលថ្មីៗនេះ ដើម្បីជួយអន្តរាគមន៍ផ្នែកច្បាប់នោះ បញ្ជាក់ថា ពួកគាត់បានចាញ់បោកមន្ត្រីតុលាការតាំងពីឆ្នាំ២០១៤ មក។
ចំណែកមន្ត្រីស៊ើបអង្កេតអង្គការលីកាដូ លោក ម៉ម កេសី ឲ្យដឹងថា ស្ត្រីទាំងបីនាក់នោះជាភរិយាអ្នកទោសឈ្មោះ ស្ងួន ញឿន ណាំ វន្នី និងឈ្មោះ រុន។ អ្នកទាំងបីនាក់នៅភូមិជាមួយគ្នា នៅភូមិចម្ការកោះ ឃុំបឹងសាលាខាងត្បូង ស្រុកកំពង់ត្រាច។ លោកថា ភរិយាអ្នកទោសទាំងបីនាក់នោះ បានប្រគល់លុយសរុបចំនួន ១ម៉ឺន ៨ពាន់ដុល្លារ ឲ្យអតីតមន្ត្រីក្រឡាបញ្ជីតុលាការខេត្តកំពត ម្នាក់ និងមេធាវីម្នាក់ទៀតជាអ្នករួមគំនិត។
តែលោកថា អតីតមន្ត្រីតុលាការទាំងនោះ បានសងប្រាក់មកឲ្យភរិយាអ្នកទោសបាន ៤ពាន់ដុល្លារវិញហើយ បន្ទាប់ពីគ្រួសារអ្នកទោសបានប្ដឹងឲ្យសងប្រាក់នោះមកវិញកាលពីពេលថ្មីៗនេះ។
ភរិយាអ្នកទោសទាំង ៣នាក់នោះ បានអំពាវនាវឲ្យតុលាការខេត្តកំពត ពន្លឿនរឿងក្ដីនេះឲ្យបានឆាប់ជាទីបំផុត ដើម្បីយកប្រាក់នោះមកចិញ្ចឹមកូនកំព្រាដែលកំពុងរងទុក្ខវេទនា។
វិទ្យុអាស៊ីសេរី មិនអាចទាក់ទងអតីតមន្ត្រីតុលាការទាំងពីររូបនោះបានទេ តែព្រះរាជអាជ្ញារងសាលាដំបូងខេត្តកំពត លោក គឹម សំលេង ដែលកាន់រឿងក្ដីនេះបញ្ជាក់ថា លោកកំពុងតែដំណើរការក្ដីនេះហើយ តែលោកមិនអាចបញ្ជាក់បានថា តើនឹងបើកសវនាការនៅពេលណានោះទេ ព្រោះថា ភាគីចុងចោទបានសុំពន្យារពេលមិនចូលឆ្លើយនៅតុលាការ៖ «បណ្ដឹងហ្នឹងខ្ញុំបានទទួលហើយ ខ្ញុំកោះហៅដើមបណ្ដឹងមកបំភ្លឺ ហើយគាត់មានភស្តុតាងមានអីឲ្យគាត់ដាក់មកហើយ ចំណែកជនជាប់សង្ស័យ តុលាការបានកោះហៅតាមនីតិវិធីហើយ តែភាគីជនសង្ស័យសុំពន្យារពេលចូលឆ្លើយ»។
ទាក់ទងរឿងចំណាយប្រាក់ទៅលើមន្ត្រីតុលាការ រឿងក្ដីព្រហ្មទណ្ឌនេះ លោក សំ សុគង់ ជាមេធាវីនៃស្ថាប័នក្រុមមេធាវី និងការពិគ្រោះយោបល់ពាណិជ្ជកម្ម ហៅកាត់ថា ប៊ីប៊ីស៊ី (BBC) បានក្រើនរំឭកដល់ប្រជាពលរដ្ឋទាំងអស់ឲ្យប្រុងប្រយ័ត្ន កុំឲ្យចំណាយប្រាក់ទៅលើមន្ត្រីតុលាការ នៅពេលមានរឿងក្ដីព្រហ្មទណ្ឌដូចករណីនេះ ព្រោះថា ភាគីអ្នកចំណាយប្រាក់នឹងអាចខាតបង់ប្រាក់ដោយឥតប្រយោជន៍ ហើយជួនកាល នឹងអាចមានទោសពីបទសូកប៉ាន់ទៀតផង។
លោកបានរំឭកដល់ប្រជាពលរដ្ឋថា ប្រសិនបើប្រជាពលរដ្ឋណាជួបរឿងដូចករណីមួយនេះ គួរចំណាយប្រាក់លើសេវាពិគ្រោះផ្នែកច្បាប់វិញ ទើបមានសុវត្ថិភាព និងប្រសិទ្ធភាពជាង៕
1 comment:
Begin of Drgunzet's comment.
There was this South Vietnamese who complained about the greedy Vietnamese officers who delayed him at the airport to get bribes.
He had to slip in a 10 dollar bill to smooth things out. (I forgot what mistake he did.) But he said the officer took the bribe then was nice enough to let him cut the line to make up loss time.
I told the guy, "You should not pay any bribe. The Whites never had to pay bribes and they were never got hassled by those so called greedy officers."
Then I added, "You must not cut the line. You make the Asians looking bad."
This South Vietnamese (who looks similar to Shihanouk actually) exclaimed, "I already paid the bribe, it's my right to cut the line."
What a sad culture!
I retorted him, "Someone pays a pimp at the corner of the street to have sex with your wife, is that ok?"
The shorty got really upset with me.
-Drgunzet-
Post a Comment