ប្រិយមិត្តអ្នកអាន និងប្រិយមិត្តបណ្តាញព័ត៌មានសង្គម Facebook ដ៏ពេញនិយម ដែលបម្រើការងារជាកងទ័ព បានសម្តែងនូវការហួសចិត្តទាំងសោកស្តាយដល់ថ្នាក់ស្រក់ទឹកភ្នែក នៅពេលបានឃើញនាវាចម្បាំងរបស់កងទ័ពជើងទឹកកម្ពុជាសម្រាប់ប្រយុទ្ធការពារបូរណភាពទឹកដី មានឯកឧត្តម នាយឧត្តមនាវី ទៀ វិញ អត្តលេខ០០០១៧១ ជាមេបញ្ជាការ និងត្រូវជាប្អូនប្រុសបង្កើតរបស់ឯកឧត្តម នាយឧត្តមសេនីយ៍ផ្កាយមាស៤ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ក្លាយទៅជានាវាស៊ីឈ្នួលដឹកជញ្ជូនសម្ភាៈសំណង់ និងកម្មករទៅធ្វើការនៅកោះក្របីទៅវិញ ព្រមទាំងមានប្រិយមិត្តខ្លះទៀតបានលាន់មាត់ថា "អនិច្ចា ! កងទ័ពជើងទឹកកម្ពុជាក្រោមការដឹកនាំរបស់ឯកឧត្តម នាយឧត្តមនាវី ទៀ វិញ" ។
បណ្តាប្រិយមិត្តបាននិយាយរៀបរាប់ថា នាវាចម្បាំងដែលកម្ពុជាបានទិញពីបរទេសមានតម្លៃរាប់លានដុល្លារអាមេរិក សម្រាប់បម្រើឲ្យការប្រយុទ្ធការពារបូរណភាពទឹកដី ទោះបីវាមានចំណាស់ហើយក៏ដោយ ក៏អាចធ្វើការជួសជុលទុកប្រើការវិញបានក្នុងកិច្ចការពារជាតិ ដោយមិនត្រូវយកនាវាចម្បាំងទាំងនោះទៅធ្វើជានាវាស៊ីឈ្នួលដឹកកម្មករ និងដឹកជញ្ជូនសម្ភារៈសំណង់ឲ្យក្រុមហ៊ុនឯកជនប្រមូលប្រាក់ដាក់ហោប៉ៅមេកងទ័ពជើងទឹកនោះឡើយ ហើយក៏ជាអំពើរំលោភបំពានទៅលើគោលការណ៍៤ចំណុច "ដុសក្អែល សិតសក់ ឆ្លុះកញ្ចក់ និងព្យាបាល" របស់សម្តេចអគ្គមហាសេនាបតីតេជោ បណ្ឌិតសភាចារ្យ នាយឧត្តមសេនីយ៍ផុតលេខផ្កាយមាស៥ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាទៀតផង ។
ប្រិយមិត្តអ្នកលេង Facebook ដែលបានឃើញផ្ទាល់ភ្នែកនូវសកម្មភាពយកនាវាចម្បាំងរបស់កងទ័ពជើងទឹកកម្ពុជា ក្រោមការគ្រប់គ្រងរបស់ឯកឧត្តម នាយឧត្តមនាវី ទៀ វិញ ជាមេបញ្ជាការ ទៅប្រើប្រាស់ជានាវាស៊ីឈ្នួលដឹកសម្ភារៈសំណង់ និងកម្មករទៅធ្វើការនៅកោះក្របីនោះ បានសំណូមពរយ៉ាងទទូចឲ្យសម្តេចអគ្គមហាសេនាបតីតេជោ បណ្ឌិតសភាចារ្យ នាយឧត្តមសេនីយ៍ផុតលេខផ្កាយមាស៥ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មេត្តាជួយសង្គ្រោះកងទ័ពជើងទឹកកម្ពុជាផង ៕
1 comment:
tea banh and tea vinh they both are very corruption in cambodia and they both faces look similar dog faces.
Post a Comment