A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Sunday 2 August 2015

មន្ត្រី​រដ្ឋាភិបាល​ប្រតិកម្ម​នឹង​លោក សម រង្ស៊ី រឿង​ដោះស្រាយ​បញ្ហា​ព្រំដែន​ជាមួយ​វៀតណាម


អនុប្រធាន​កិច្ចការ​ចម្រុះ​ព្រំដែន អ្នកស្រី កុយ ពិសី និង​មន្ត្រី​អ្នក​នាំ​ពាក្យ​ទីស្ដីការ​គណៈរដ្ឋមន្ត្រី លោក ផៃ ស៊ីផាន (ស្ដាំ) ថ្លែង​ក្នុង​សន្និសីទ​កាសែត​ច្រាន​ចោល​ព័ត៌មាន​របស់​វិទ្យុ​អាស៊ីសេរី នា​ទីស្ដីការ​គណៈរដ្ឋមន្ត្រី កាល​ពី​ថ្ងៃ​ទី២៨ ខែ​មីនា ឆ្នាំ​២០១៣។
Photo: RFA


ដោយ ម៉ម មុនីរតន៍
2015-08-02

នៅ​ថ្ងៃ​ទី​២ សីហា នេះ មន្ត្រី​ទទួល​បន្ទុក​កិច្ចការ​ព្រំដែន បាន​ឆ្លើយ​តប​សារ​នយោបាយ​របស់​ប្រធាន​គណបក្ស​សង្គ្រោះ​ជាតិ ដោយ​លើក​ឡើង​ថា រដ្ឋាភិបាល​កំពុង​ដោះស្រាយ​បញ្ហា​ព្រំដែន​ជាពិសេស​ជាមួយ​ប្រទេស​វៀតណាម គឺ​លើស​ពី​អ្វី​ដែល លោក សម រង្ស៊ី បាន​អះអាង​ទៅ​ទៀត។

លោក សម រង្ស៊ី បាន​បញ្ជាក់​ថា ដើម្បី​អាច​ឲ្យ​ប្រទេស​មាន​សុខ​សន្តិភាព​រឿង​ព្រំដែន និង​អធិបតេយ្យភាព​រឹងមាំ លុះត្រា​តែ​ប្រើប្រាស់​ផែនទី​ជា​មូលដ្ឋាន​តាម​មាត្រា​២ នៃ​រដ្ឋធម្មនុញ្ញ និង​ប្រើប្រាស់​ឧបករណ៍​ទំនើប​តាម​ប្រព័ន្ធ ឃី.ភី.អេស (GPS)។

ការ​បញ្ចេញ​ប្រតិកម្ម​របស់​មន្ត្រី​ទទួល​បន្ទុក​ព្រំដែន​នេះ នៅ​បន្ទាប់​ពី​មេ​បក្ស​ប្រឆាំង បាន​បង្ហាញ​ពី​យុទ្ធសាស្ត្រ​ដោះស្រាយ​បញ្ហា​ព្រំដែន​ដែល​កំពុង​មាន​ជម្លោះ​នា​ពេល​បច្ចុប្បន្ន។

ការ​បញ្ជាក់​ជំហរ​ជា​ថ្មី​ទៀត​របស់​មន្ត្រី​ជាន់​ខ្ពស់​ទទួល​បន្ទុក​កិច្ចការ​ព្រំដែន​នៅ​ពេល​នេះ គឺ​នៅ​ចំ​ពេល​ស្ថានភាព​នៅ​តាម​ខ្សែ​បន្ទាត់​ព្រំដែន​ក្នុង​តំបន់​ខ្លះ​រវាង​ប្រទេស​កម្ពុជា និង​ប្រទេស​វៀតណាម បន្ត​មាន​ភាព​តានតឹង។

ការ​ឆ្លើយ​តប​របស់ អ្នកស្រី កុយ ពិសី នៅ​ពេល​នេះ ធ្វើ​ឡើង​បន្ទាប់​ពី លោក សម រង្ស៊ី ប្រធាន​គណបក្ស​សង្គ្រោះ​ជាតិ បាន​សរសេរ​រិះគន់​នៅ​ក្នុង​បណ្ដាញ​សង្គម​របស់​លោក កាល​ពី​ថ្ងៃ​ទី​១ ខែ​សីហា។ លោក សម រង្ស៊ី ដែល​ធ្លាប់​ត្រូវ​បាន​តុលាការ​ផ្ដន្ទាទោស​ក្នុង​រឿង​ព្រំដែន​នេះ បាន​ចោទ​ប្រកាន់​ថា វៀតណាម មិន​ដែល​បាន​គោរព និង​អនុវត្ត​កិច្ច​ព្រមព្រៀង​ទីក្រុង​ប៉ារីស ស្ដីពី​កម្ពុជា ជាពិសេស​អធិបតេយ្យភាព​របស់​កម្ពុជា ម្ដង​ណា​ទេ។ ជាង​នេះ​ទៀត ដើម្បី​ធានា​ពី​ភាព​រឹងមាំ​នៃ​ព្រំដែន លុះត្រា​តែ​រដ្ឋាភិបាល​ប្រើប្រាស់​ប្រព័ន្ធ​បច្ចេកទេស​ទំនើប ជី.ភី.អេស ក្នុង​ការ​វាស់វែង គួបផ្សំ​នឹង​ការ​ជ្រើសរើស​ផែនទី​ជា​មូលដ្ឋាន​ថែម​ទៀត។


សម រង្ស៊ី ៦២០
ប្រធាន​គណបក្ស​សង្គ្រោះ​ជាតិ លោក សម រង្ស៊ី ផ្ដល់​បទសម្ភាសន៍​ដល់​អ្នក​កាសែត នា​ទីស្នាក់ការ​កណ្ដាល​បក្ស​រាជធានី​ភ្នំពេញ នៅ​ថ្ងៃ​ទី​១១ កក្កដា ឆ្នាំ​២០១៥។ RFA/Brach Chev



ជុំវិញ​រឿង​នេះ អ្នកស្រី កុយ ពិសី អនុប្រធាន​លេខាធិការដ្ឋាន​អចិន្ត្រៃយ៍​នៃ​អាជ្ញាធរ​ជាតិ ទទួល​បន្ទុក​កិច្ចការ​ព្រំដែន​កម្ពុជា មាន​ប្រសាសន៍​នៅ​ថ្ងៃ​ទី​២ សីហា ថា ការ​ពិត​រដ្ឋាភិបាល​បាន​ប្រើប្រាស់​ឧបករណ៍​ក្នុង​ការ​កំណត់​ផែនទី​ជាមួយ​ប្រទេស​ជិត​ខាង រួម​នឹង​ប្រទេស​វៀតណាម ផង គឺ​ទំនើប​ជាង​អ្វី​ដែល​ប្រធាន​គណបក្ស​ប្រឆាំង​លើក​ឡើង​ទៅ​ទៀត។ បន្ថែម​ពី​លើ​នេះ ផែនទី​ដែល​បាន​ប្រើ​ទៀត​សោត គឺ​ពុំ​មាន​ប្រើប្រាស់​ខ្នាត​ផែនទី​ណា​ដែល​ក្រៅ​ពី​ខ្នាត​ផែនទី ១/១០០.០០០ ដែល​បាន​តម្កល់​នៅ​អង្គការ​សហប្រជាជាតិ នោះ​ថែម​ទៀត​ផង៖ «»។

ប្រទេស​កម្ពុជា និង​វៀតណាម មាន​ខ្សែ​បន្ទាត់​ព្រំដែន​ជាង ១​ពាន់​គីឡូម៉ែត្រ។ តាម​គម្រោង ការ​បោះ​បង្គោល​ព្រំដែន​រវាង​ប្រទេស​ទាំង​ពីរ គ្រោង​នឹង​បញ្ចប់​នៅ​ឆ្នាំ​២០១៥។ គិត​មក​ដល់​ពេល​នេះ បង្គោល​ព្រំដែន​ដែល​បាន​បោះ​រួច​បាន​ប្រមាណ ៨៣​ភាគរយ ពោល​គឺ​នៅ​សល់ ១៧​ភាគរយ​ទៀត​ក្នុង​ចំណោម​បង្គោល​ព្រំដែន​សរុប ៣១៤​បង្គោល។

លោក ទិប ទាវ សមាជិក​ក្រុម​ប្រឹក្សា​ឃ្លាំ​មើល​កម្ពុជា ចាត់​ទុក​ថា បើ​ទោះ​ជា​កម្ពុជា និង​វៀតណាម បាន​បោះ​បង្គោល​ព្រំដែន​បញ្ចប់​ក៏ដោយ លោក​នៅ​តែ​ពុំ​មាន​ជំនឿ​ថា បញ្ហា​រឿង​រំកិល​ព្រំដែន​ដោយ​វៀតណាម នេះ អាច​បញ្ចប់​បាន​នោះ​ទេ។ លោក​បន្ថែម​ថា មូលហេតុ​ដែល​មិន​អាច​ធ្វើ​ឲ្យ​ស្ថានភាព​នេះ​បាន​ល្អ​ប្រសើរ ដោយសារ​រដ្ឋាភិបាល​កម្ពុជា មាន​ការ​គាំពារ​តិចតួច និង​ខ្វះ​ហេដ្ឋារចនាសម្ព័ន្ធ​នៅ​តាម​ខ្សែ​បន្ទាត់​ព្រំដែន៖ «»។

លោក សម រង្ស៊ី បាន​ចោទ​ប្រកាន់​នៅ​ក្នុង​បណ្ដាញ​សង្គម​របស់​លោក​ថា ប្រទេស​វៀតណាម គឺ​កំពុង​តែ​រំលោភ​ច្បាប់​អន្តរជាតិ ជាពិសេស​រំលោភ​កិច្ច​ព្រមព្រៀង​ទីក្រុង​ប៉ារីស ឆ្នាំ​១៩៩១ ស្ដីពី​កម្ពុជា ដែល​តម្រូវ​ឲ្យ​ប្រទេស​ជា​ហត្ថលេខី​ទាំងអស់ ក្នុង​នោះ​មាន​ប្រទេស​វៀតណាម ដែរ គោរព​ឯករាជ​ភាព អធិបតេយ្យភាព និង​បូរណភាព​ទឹកដី​របស់​កម្ពុជា។ ទន្ទឹម​នឹង​នេះ ខេត្ត​នៅ​តាម​បណ្តោយ​ព្រំដែន​មួយ​ចំនួន ដូចជា​ខេត្ត​រតនគិរី និង​ខេត្ត​មណ្ឌលគិរី បង្គោល​ព្រំដែន​បាន​បោះ​ចូល​មក​ក្នុង​ដី​កម្ពុជា ជម្រៅ​ជាង ១០​គីឡូម៉ែត្រ​ក៏​មាន​ដែរ។ វិវាទ​នេះ នៅ​មិន​គិត​ដល់​ស្រុក​កំពង់រោទិ៍ ខេត្ត​ស្វាយរៀង និង​តំបន់​ដទៃ​ទៀត​នៅ​ឡើយ​ផង។

ឆ្លើយ​តប​រឿង​នេះ អ្នកស្រី កុយ ពិសី បកស្រាយ​ថា ការ​ចូល​នេះ​ពុំ​មែន​តែ​វៀតណាម ទេ ដែល​ចូល​ទៅ​មក​កម្ពុជា នោះ បាន​ន័យ​ថា មាន​ចំណុច​ខ្លះ ប្រទេស​កម្ពុជា ក៏​មាន​ចូល​ទៅ​វៀតណាម ដែរ។ បើ​ទោះ​ជា​បែប​នេះ​ក៏ដោយ​ចុះ អ្នកស្រី កុយ ពិសី បាន​បដិសេធ​ព័ត៌មាន​លម្អិត​អំពី​ចំណុច​ដែល​វៀតណាម តវ៉ា ដែល​ថា កម្ពុជា រំកិល​ចូល​ក្នុង​ដី​វៀតណាម។ ពាក់ព័ន្ធ​រឿង​ព្រំដែន​នេះ គេ​សង្កេត​ឃើញ​ការ​តវ៉ា​រឿង​បាត់បង់​ដី​នៅ​តាម​ខ្សែ​បន្ទាត់​ព្រំដែន​នេះ គឺ​ភាគ​ច្រើន​ឃើញ​តែ​ពលរដ្ឋ​កម្ពុជា៕

1 comment:

Kim Ea said...

Who go to believe you madam traitor with Yuon brainwash head . all your work in this department of border commission is just pure manipulation strategy or a guideline of well organize trick to spoil the atmosphere of these thorny border problem . To cover up the intruding functionality of enemy ambition, you Madam pinhead Khmer body in Yuon brain come out stand firm and protect enemy interest. Your team imbed with enemy do everything unimaginable to twist the reality of the fact by ceding our land to youn ( to pay tribute Yuon patron who help invade Khmer country in 1979 and installed this puppet administration ). Foreign enemy control your team for more than 30 for one reason, facilitate the demarcation of this border process in favor of enemy plan . Why your team stayed mum and hiding from Khmer demand to show a real map using in this border mechanism ? Why any time we Khmer citizen request to know about border lost to enemy, your respond was in secret ? You still lie about the map doctor and printed gave to your team by yuon as a legitimate map you declare as map from the UN ? As you said form your past declaration,that some time Khmer border encroach in Vietnam sovereignty, Why don't you give us Khmer people the precise proof and precise places to prove you tell us the truth? . You learn to lie with a big stern face of deception, and commit a treason act in broad daylight and force us to believe your word, is a real insane and despicable .