ដោយ ប្រាជ្ញ ចេវ
2016-02-06 rfa
ប្រធានស្ដីទីបក្សសង្គ្រោះជាតិ លោក កឹម សុខា ក្នុងកម្មវិធីផ្សាយរបស់វិទ្យុអាស៊ីសេរី នៅថ្ងៃទី៨ ខែមករា ឆ្នាំ២០១៦។ |
ប្រធានស្ដីទីបក្សសង្គ្រោះជាតិ លោក កឹម សុខា ក្នុងកម្មវិធីផ្សាយរបស់វិទ្យុអាស៊ីសេរី នៅថ្ងៃទី៨ ខែមករា ឆ្នាំ២០១៦។
RFA
លោក កឹម សុខា ប្រធានស្ដីទីគណបក្សសង្គ្រោះជាតិ រិះគន់ពីគុណវិបត្តិដែលកើតចេញពីអសមត្ថភាពរបស់ស្ថាប័នរដ្ឋមួយចំនួនថា កំពុងធ្វើឲ្យពលរដ្ឋរងគ្រោះ។ ប៉ុន្តែមន្ត្រីរដ្ឋាភិបាលបដិសេធថា អ្វីដែលគណបក្សប្រឆាំងលើកឡើង គឺដើម្បីចង់បានប្រជាប្រិយភាព ព្រោះបក្សប្រឆាំងមើលឃើញតែភាពអសកម្មរបស់រដ្ឋាភិបាលទេ។
ថ្លែងក្នុងពេលជួបអ្នកគាំទ្រនៅក្រុងតាខ្មៅ លោក កឹម សុខា លើកឡើងថា ស្ថាប័នរបស់រដ្ឋាភិបាលដែលបំពេញការងាររបស់ខ្លួនមិនបានល្អនោះ រួមមានវិស័យអប់រំ វិស័យសុខាភិបាល វិស័យកសិកម្ម វិស័យការងារ បញ្ហាដីធ្លី និងអយុត្តិធម៌សង្គម។
លោក កឹម សុខា បាននិយាយចំៗ ទៅវិស័យសុខាភិបាលថា ដោយសារគ្មានទំនុកចិត្តលើពេទ្យនៅស្រុកខ្មែរ មិនថា មន្ត្រីរដ្ឋាភិបាល ឬគណបក្សប្រឆាំង នៅពេលឈឺតែងតែចេញក្រៅប្រទេសដើម្បីព្យាបាល៖ «»។
ភាពអសកម្មដែលលោក កឹម សុខា លើកឡើងនោះរួមមាន ក្មេងបោះបង់ការសិក្សាក្រោមថ្នាក់ទី៩ មហាជនមិនទុកចិត្តវិស័យសុខាភិបាល ដោយនាំគ្នាទៅព្យាបាលនៅក្រៅប្រទេស ពលរដ្ឋចំណាកស្រុកទៅធ្វើការងារឲ្យគេនៅក្រៅប្រទេស កសិករធ្វើស្រែគ្មានទឹកស្រោចស្រពគ្រប់គ្រាន់ ខ្វះដី គ្មានទុន គ្មានបច្ចេកទេស និងគ្មានទីផ្សារ។
អ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន ឆ្លើយតបការលើកឡើងរបស់លោក កឹម សុខា ថា ការបំពេញសេវាសាធារណៈ មិនអាចបំពេញចិត្តមនុស្សគ្រប់គ្នាបានទេ។ លោកបន្តថា នេះយុទ្ធនាការដើម្បីទទួលបានការគាំទ្រ ព្រោះគណបក្សប្រឆាំងមើលឃើញតែចំណុចអវិជ្ជមានរបស់រដ្ឋាភិបាលប៉ុណ្ណោះ៖ «»។
នៅរយៈពេលចុងក្រោយនេះ លោក កឹម សុខា ប្រកាសជំហរមិនរិះគន់រឿងបុគ្គល បែរមកជជែករឿងជាតិបែបនេះ បន្ទាប់ពីគណបក្សរងគ្រោះ ព្រោះគណបក្សកាន់អំណាចនៅចុងឆ្នាំ២០១៥ ដោយសង្គ្រាមពាក្យសម្ដីរវាងប្រមុខគណបក្សមានសំឡេងឆ្នោតទាំងពីរ។ ទោះបែបនេះក្ដី លោក កឹម សុខា ថា នៅពេលយុទ្ធនាការឃោសនាបោះឆ្នោតមកដល់លោកនឹងលេងឲ្យអស់ដៃ។
ប្រធានមជ្ឈមណ្ឌលប្រជាពលរដ្ឋ ដើម្បីអភិវឌ្ឍ និងសន្តិភាព លោក យង់ គិមអេង គាំទ្រការរិះគន់របស់លោក កឹម សុខា។ លោកបន្តថា វិស័យទាំងនេះរបស់រដ្ឋាភិបាល មានចំណុចខ្វះខាតច្រើនណាស់។ លោកថា ការបដិសេធមិនទទួលស្គាល់ចំណុចអវិជ្ជមានរបស់រដ្ឋាភិបាលពីសំណាក់លោក ផៃ ស៊ីផាន ពីព្រោះលោក ផៃ ស៊ីផាន ដឹងពីស្ថានភាពពិតនៅកម្ពុជា ប៉ុន្តែព្យាយាមការពារអ្វីដែលខ្លួនធ្វើ៖ «»។
ប្រធានស្ដីទីគណបក្សសង្គ្រោះជាតិ លោក កឹម សុខា ហៅអំពើហិង្សារឿងដីធ្លី ករណីវាយតំណាងរាស្ត្រ ថាជាសង្គ្រាម ដូច្នេះលោកទាមទារឲ្យបញ្ឈប់នូវរាល់បញ្ហាទាំនេះ។ ទោះថ្លែងរិះគន់ស្ថាប័នរដ្ឋាភិបាលក្ដី ប៉ុន្តែលោក កឹម សុខា ថា លោកសាទរចំពោះអ្វីដែលរដ្ឋាភិបាលបំពេញការងាររបស់ខ្លួនបានល្អ៕
No comments:
Post a Comment