A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 9 February 2016

ទូត​អាមេរិក​ជួប​មេ​បក្ស​ប្រឆាំង​ផ្តោត​លើ​សន្តិសុខ​និង​ការងារ​អ្នកតំណាងរាស្ត្រ

 ទូត​អាមេរិក​ជួប​មេ​បក្ស​ប្រឆាំង​ផ្តោត​លើ​សន្តិសុខ​និង​ការងារ​អ្នកតំណាងរាស្ត្រ

មន្ត្រី​គណក្ស​សង្គ្រោះ​ជាតិ​ថ្លែង​ថា ជំនួប​នេះ​មិន​បាន​និយាយ​អំពី​បញ្ហា​លោក​សម រង្ស៊ី ​បញ្ហា​សកម្ម​ជន​​ និង​មន្ត្រី​ជាន់ខ្ពស់​​គណបក្ស​សង្គ្រោះ​ជាតិ​ដែល​ត្រូវ​ចាប់​ខ្លួន​ទាក់​ទង​នឹង​ការ​ប៉ះ​ទង្គិច​គ្នា​នៅ​ទីលាន​ប្រជាធិបតេយ្យ​នោះ​ទេ។

លោក​ William A. Heidt ​ឯកអគ្គរដ្ឋទូត​ស.រ.អា.​ប្រចាំ​នៅ​ប្រទេស​កម្ពុជា ជួប​ជាមួយ​លោក កឹម សុខា ​មេដឹកនាំ​ស្តីទី​ក្រុម​សមាជិក​សភា​​គណបក្ស​សង្គ្រោះ​ជាតិ​នៅ​មន្ទីរ​ រដ្ឋសភា​ជាតិ​កាល​ពី​ថ្ងៃ​ទី​៨ ខែ​កុម្ភៈ ឆ្នាំ​២០១៦។ (ពិន ស៊ីសុវណ្ណ/VOA)


ពិន ស៊ីសុវណ្ណ

09 កុម្ភៈ 2016
ភ្នំពេញ—voa

លោក​ឯកអគ្គរដ្ឋទូត​ស.រ.អា.​ប្រចាំ​នៅ​ប្រទេស​កម្ពុជា​បាន​ជួបជាមួយលោក ​កឹម សុខា ​មេដឹកនាំ​ស្តីទី​ក្រុម​សមាជិក​សភាគណបក្ស​សង្គ្រោះ​ជាតិ។​ កិច្ច​ពិភាក្សា​រយៈពេល​មួយ​ម៉ោងនៅ​សភាជាតិ​នៅ​ថ្ងៃ​ច័ន្ទ​នេះ ​បានផ្តោត​លើ​បញ្ហា​សន្តិសុខរបស់​អ្នក​តំណាង​រាស្ត្រ និង​ការ​ចុះទៅ​មណ្ឌល​បោះឆ្នោត​របស់​ពួក​គេ​ ​ជាពិសេស​វេទិកា​នយោបាយ​របស់​គណបក្ស​សង្គ្រោះ​ជាតិ។​

ក្រោយ​កិច្ច​ប្រជុំ​បិទ​ទ្វារ​រយៈពេល​មួយ​ម៉ោង​នៅ​ការិយាល័យ​ថ្នាក់​ដឹកនាំ​តំណាងរាស្ត្រ​នៃ​គណបក្ស​សង្គ្រោះ​ជាតិ លោក​ កឹម សុខា ​មេដឹកនាំ​ស្តីទី​នៃ​ក្រុម​សំឡេង​ភាគ​តិច​នៅ​រដ្ឋសភា ​បាន​ប្រាប់​ក្រុម​អ្នក​យក​ព័ត៌មាន​ថា៖​

«លទ្ធផល​ល្អ ​ហើយ​ក៏​ជាក្តី​សង្ឃឹម​សម្រាប់​ជាតិ​និង​ប្រជា​ពលរដ្ឋ​ខ្មែរ​យើង»។​

ដូចគ្នា​នេះ​ដែរ​លោក​ William A. Heidt ​ឯកអគ្គរដ្ឋទូត​ស.រ.អា.​ប្រចាំ​នៅ​ប្រទេស​កម្ពុជា​បាន​និយាយ​ថា​ ជំនួប​នេះពិភាក្សា​អំពី​ទំនាក់​ទំនង​កម្ពុជា​និង​ស.រ.អា.​ ហើយ​នឹង​ស្ថានភាព​នយោបាយ​ក្នុង​ប្រទេស​កម្ពុជា​ថ្មីៗ​នេះ ​ក្រោយ​ពី​លោក​បាន​មកដល់​ប្រទេស​នេះ។​

ក្រោយពី​ពិភាក្សា​ជាមួយ​លោក​ កឹម សុខា​ លោក​ឯកអគ្គរដ្ឋទូត​បានប្រាប់​អ្នក​យក​ព័ត៌មាន​ថា៖ ​

«ខ្ញុំ​បាន​ប្រាប់​គាត់​ថា ​ខ្ញុំសប្បាយរីករាយ​ដោយ​បាន​ឃើញ​គណបក្ស​ទាំង​ពីរ​ចុះ​ទៅ​ធ្វើការ​តាម​មណ្ឌល​បោះឆ្នោត​នៅ​តាម​ខេត្ត​ដូច​ដែល​យើង​ធ្វើ​នៅ​ស.រ.អា.​ដែរ​នោះ។​ ដូច្នេះ​ខ្ញុំ ​គិត​ថា​ នេះ​ជាដំណើរការ​វិជ្ជមាន»។​

លោក​ឯក​អគ្គរដ្ឋទូត​ស.រ.អា.​ពន្យល់​ថា ​ក្រោយពី​លោក​បាន​ជួប​ថ្នាក់​ដឹកនាំ​រាជ​រដ្ឋាភិបាល​កម្ពុជា​គឺ​លោក​នាយក​រដ្ឋមន្ត្រី ​ហ៊ុន សែន​ ​ ​ជួប​លោក​ ហេង សំរិន ​ប្រធាន​សភា​ជាតិ​ និង​លោក​សាយ ឈុំ​ ប្រធាន​ព្រឹទ្ធ​សភា ​ដែល​ជា​មន្ត្រី​ជាន់​ខ្ពស់​គណបក្ស​ប្រជាជន​កម្ពុជា ​ដែល​ជា​គណបក្ស​កាន់​អំណាច​នោះ​ ​លោក​ក៏​ត្រូវ​ជួប​ជាមួយ​មេ​ដឹកនាំ​គណបក្ស​សង្គ្រោះ​ជាតិ​ដែល​ជា​គណបក្ស​ប្រឆាំង​ផង​ដែរ។​ ​ លោក​កឹម សុខាមិន​បាន​ធ្វើ​អត្ថាធិប្បាយ​ច្រើន​ទេ។ ​

លោក​យ៉ែម ប៉ុញ្ញឫទ្ធិ ​អ្នក​នាំពាក្យ​ និង​ជា​អ្នក​តំណាង​រាស្ត្រ​គណបក្ស​សង្គ្រោះ​ជាតិដែល​ចូលរួម​កិច្ច​ប្រជុំ​នេះ​ដែរ​ ​បាន​និយាយ​ថា ​ក្នុង​កិច្ច​ប្រជុំ​នេះ ​ ​លោក​ William Heidt ​បង្ហាញ​សុច្ឆន្ទៈ​ស.រ.អា.ចង់​ជួយ​កសាង​ទំនុក​ចិត្តចំពោះ​ស.រ.អា. ​ទាំង​ពី​ភាគី​កាន់កាប់​រដ្ឋាភិបាល​ក៏​ដូច​ជា​ភាគី​នៅ​ក្រៅ​រដ្ឋាភិបាល។

«ឯកឧត្តម​ឯកអគ្គរដ្ឋទូត​ស.រ.អា.​បញ្ជាក់​ពី​គោល​ជំហរ​ស.រ.អា.​ចង់​ចូលរួម​ចំណែក​ក្នុង​ការ​អភិវឌ្ឍ ​កសាងទំនុក​ចិត្ត​ជាមួយ​ប្រជា​ពលរដ្ឋ​ខ្មែរ​ដើម្បី​បោះ​ជំហាន​ជា​វិជ្ជមាន​ទៅ​មុខ​ទៀត ​ទាំងខាង​រដ្ឋាភិបាល​ក៏​ដូចជា​គណបក្ស​នៅ​ក្រៅ​រដ្ឋាភិបាល»។​

លោក​និយាយ​ថា ​ភាគី​ទាំងពីរ​មើល​ឃើញ​ថា ​ស្ថានភាព​នយោបាយ​បច្ចុប្បន្ន​មាន​ការ​ធូរស្រាល។ ​

លោក​បាន​ឲ្យដឹង​ផង​ដែរ​ថា ​ជំនួប​នេះ​មិន​បាន​និយាយ​អំពី​បញ្ហា​លោក​សម រង្ស៊ី ​បញ្ហា​សកម្ម​ជន និង​មន្ត្រី​ជាន់ខ្ពស់គណបក្ស​សង្គ្រោះ​ជាតិ​ដែល​ត្រូវ​ចាប់​ខ្លួន​ទាក់​ទង​នឹង​ការ​ប៉ះ​ទង្គិច​គ្នា​នៅ​ទីលាន​ប្រជាធិបតេយ្យ​នោះ​ទេ។​

​ដោយឡែក​លោក​ឲ្យ​ដឹង​ផង​ដែរ​ថា​ លោក​កឹម សុខា​នឹង​ទៅ​សួរ​សុខទុក្ខ​ពួកគេ​នៅ​ពន្ធនាគារនៅថ្ងៃ​១១​ខែ​កុម្ភៈ​នេះ។

លោក​នាយក​រដ្ឋមន្ត្រី​ ហ៊ុន សែន ​គ្រោង​ទៅ​ចូលរួម​កិច្ច​ប្រជុំ​អាស៊ាន​អាមេរិក​នៅ​ទីក្រុង​ Sunnylands ​រដ្ឋ California ​ស.រ.អា. នៅ​អំឡុង​ពាក់​កណ្តាល​ខែ​កុម្ភៈ​នេះ​ ហើយ​ជនជាតិ​ខ្មែរ​នៅ​ស.រ.អា.​គ្រោង​ធ្វើ​បាតុកម្ម​ប្រឆាំង​នឹង​លោក។

​ថ្វី​បើ​គណបក្ស​សង្គ្រោះ​ជាតិ​ប្រកាស​ថា​ ខ្លួន​មិន​បាន​រៀបចំ​គម្រោង​ធ្វើ​បាតុកម្ម​ប្រឆាំង​នឹង​លោក​ហ៊ុន សែនក៏ដោយ​ ក៏​អ្នក​គាំទ្រ​គណបក្ស​ប្រជាជន​កម្ពុជា​របស់​លោក​ហ៊ុន សែន​ចាត់​ទុក​ថា ​គណបក្ស​សង្គ្រោះ​ជាតិ​នៅ​ពីក្រោយ​ ​ហើយ​បាតុកម្ម​នេះ​នឹង​ធ្វើ​ឲ្យ​វិបត្តិ​នយោបាយ​រវាងគណបក្ស​ទាំងពីរ​កាន់តែ​ធ្ងន់ធ្ងរ​ឡើង។​

​ឆ្លើយ​តប​នឹង​ការ​ចោទ​ប្រកាន់​នេះ​ លោក ​យ៉ែម ប៉ុញ្ញឫទ្ធិ ​អះអាង​ថា​ បើ​បាតុកម្ម​នេះ​កើត​មាន​មែន​នោះ ​វា​មិនមែន​ជាគោល​នយោបាយ​របស់​គណបក្ស​ទេ ​តែ​ជា​សិទ្ធិ​បុគ្គល​ ដែល​ភាគច្រើន​មិនមែន​ជា​សមាជិក​គណបក្ស​សង្គ្រោះ​ជាតិ​នោះ​ទេ។

«យើង​មាន​ការ​សោកស្តាយ​ដោយ​សារ​មាន​ការ​ចែក​មិន​ដាច់​ថា​អ្វី​ទៅ​ជា​ស្ថាប័ន​ ជា​គោលការណ៍ ហើយ​អ្វី​ទៅ​ជា​បុគ្គល។ ​ដូច្នេះ​យើង​ចង់​ឲ្យ​មាន​ការ​យល់​ជា​លក្ខណៈ​ស្ថាប័ន​ និង​ជា​បុគ្គល​ឲ្យ​បាន​ពិត​ប្រាកដ​ ច្បាស់លាស់​បាទ»។​

ម៉្យាង​វិញ​ទៀត លោក ​យ៉ែម ប៉ុញ្ញឫទ្ធិ​និយាយ​ថា ​ក្នុង​កិច្ច​ប្រជុំ​នេះ​ លោក​ឯកអគ្គរដ្ឋទូត​ស.រ.អា.​ William A. Heidt ​ក៏​ដូច​មន្ត្រី​គណបក្ស​សង្គ្រោះ​ជាតិយល់​ស្រប​គ្នា​ថា ​ស្ថានភាព​សន្តិសុខ​របស់​តំណាង​រាស្ត្រ​គណបក្ស​សង្គ្រោះ​ជាតិ​បានប្រសើរ​ឡើង ជាពិសេស​វេទិកា​នយោបាយ​របស់​គណបក្ស​នេះ​នៅ​តាម​ខេត្ត​មាន​ការ​សហការ​ពី​អាជ្ញាធរ​មូលដ្ឋាន។

អំពើហិង្សា​ចុងក្រោយ​លើ​តំណាង​រាស្ត្រ​បាន​កើត​ឡើងក្រោយ​ពេលបាតុករដែល​គេ​ស្គាល់​ថា ​ជា​អ្នក​គាំទ្រ​គណបក្ស​ប្រជាជន​កម្ពុជា​ បាន​បង្ក​របួស​ស្នាម​ដល់​តំណាង​រាស្ត្រ​គណបក្ស​សង្គ្រោះ​ជាតិ​ពីរ​នាក់​គឺ​លោក ​ញ៉យ ចំរើន​ និង​លោក​គង់ សភា​ នៅ​ពេល​លោក​ទាំងពីរ​ធ្វើ​ដំណើរ​ចេញពី​រដ្ឋ​សភា​ជាតិ។​ អំពើ​ហិង្សា​នៅ​ថ្ងៃ​ទី​២៦​តុលា​ឆ្នាំ​២០១៥​នេះ​បាន​កើត​ឡើង​ប្រហែល​មួយ​ម៉ោង​ក្រោយពី​មាន​បាតុកម្ម​ទាមទារ​ទម្លាក់​លោក​ កឹម សុខា ​ចេញ​ពី​តំណែង​អនុ​ប្រធាន​ទី​មួយ​នៃ​រដ្ឋសភា។​ អ្នក​ប្រព្រឹត្ត​អំពើ​ហិង្សា​នេះ​ត្រូវ​គេ​ជឿ​ថា ​ជា​បាតុករ​សេស​សល់​ក្រោយពី​បាតុកម្ម​បាន​រំសាយ។ បួន​ថ្ងៃក្រោយ​មក​ ​សភា​ជាតិ​ដែល​មានតែ​សមាជិក​គណបក្ស​ប្រជាជន​កម្ពុជា​បាន​បោះ​ឆ្នោត​ទម្លាក់​លោក​ កឹម សុខា​ចេញពី​តំណែង​អនុ​ប្រធាន​ទី​មួយ​នៃ​រដ្ឋសភាដែល​ជា​តំណែង​ខ្ពស់​បំផុត​ទីពីរ​នៅ​ស្ថាប័ន​នីតិប្បញ្ញត្តិ​នេះ។

1 comment:

Anonymous said...


KHMER PEOPLE MUST LEARN HOW TO FIGHT FROM THE EVIL VIETNAM

Hun Sen, a Yuon's puppet, threatened to retaliate against the CNRP if there was a demonstration against him in California.

To ease the tension, Sam Rainsy implored all the CNRP's members in the US not to mount any demonstration against Hun Sen.

Some Khmer people condemned Sam Rainsy for taking such action.

I just would like to ask a question: why some people have always wanted to make the CNRP fighting the Yuon's slave CPP face to face ? If they are not blind, they should see that the CNRP will be losing the fight all the time with the face to face battle with the CPP.

Here is my opinion:

1- By urging the CNRP's members not to make the demonstration, Sam Rainsy makes the CNRP's members in Cambodia safe. Therefore, they have more time to concentrate on working with the people at the base.

2- Khmer people in the US still can go to make the protestation against Hun Sen even after Sam Rainsy making that statement.

3- Why do we have to get mad with Sam Rainsy ? In this scenario, he makes the CNRP's members in Cambodia safe, and Khmer people in the US still can make the demonstration. What is the problem ???

4- Khmer Euy !! If you want to survive, you must learn how to think properly, how to make good judgment.

5- Our stupid behavior, Chhes Chhev Chhav Dauch Phleung Chambeung, has been hurting and will be hurting Cambodia. We have to change such behavior. We must have patience. The task to remove the evil Vietnam's grip over Cambodia is not easy. It takes time.

6- Thanks to the CNRP's good works, Khmer people in general have been awaken and are ready to participate in our noble struggle to save Cambodia.

7- Creating new party, in my opinion, is a bad judgment. It will hurt Cambodia. I firmly hope that these newly created parties will join the CNRP before the 2018 election.

8- We must set our priority right: do whatever we can legally to remove the CPP from power first. We must NOT do something, such as creating new party, to help the CPP to stay in power legally.

Bun Thoeun